Скусдзæнис æххæстхъомысадæй
26 января 2013 Аналитика [версия для печати] [читать комментарии] [размер шрифта: a- | А+] [3469 просмотров]
Скусдзæнис æххæстхъомысадæй
Нæ республикæйы сæудæджерадон куыстуæттæй фæстаг дыууын азæй фылдæр уæззау дугивæнты чи нæ фæцудыдта æмæ йæ продукци фæлхасгæнджыты размæ чи хаста, уый уыд Бæгъиаты суары завод. Нæ фæцудыдта уымæн æмæ йын сæйраг хомыс агургæ, амалкæнинаг нæ уыдис æрдз æй йæхæдæг лæвæрдта æмæ дæдты.
Ацы минералон донæн йæ хосгæнæн миниуджытæм гæсгæ стыр кад ис фæлхасгæнджыты 'хсæн. Æхсызгонæй йæ агурынц куыд нæхимæ, республикæйы, афтæ уымæн æддейæ дæр. Минералон доны фæсауæрцтæ фадат дæттынц кондад рауæрæх кæнынæн. Ныртæккæ цы донгуырæнæй исынц хомыс, ома, суары дон, уымæн йе 'мбисæй дæр нæ цæуы пайда. Афтæмæй ма ацы бынæтты ноджыдæр ис, минералон дæттæ кæцæй цæуынц, ахæм донгуырæнтæ æмæ зæгъгæ, уыдонæй æххæстæй пайда цæуы, уæд суткæйы дæргъы райсæн ис 400 кубикон литры минералон дон. Уый та нысан кæны рауадзгæ продукцийы гуырахст 10 хатты фæфылдæр кæнын.
Æрæджы ацы куыстуатæн ногæй директорæй нысан æрцыд Тедеты Роланд. Уый ма раздæр дæр разамынд кодта ацы куыстуатæн æмæ нымад цыдис арæхстджын разамонæгыл.
Заводы продукцийы гуырахст фæфылдæр кæныны фæдыл æввахс рæстæджы исты ивындзинæдтæм æнхъæлмæкæсæн ис æви нæ, уый тыххæй нын директор загъта, зæгъгæ, æввахс рæстæджы, марты мæйы кæрон хъуамæ æрласой ног ифтонггæрзтæ æмæ сæвæрой ног донуадзæн хахх.
Уый уыдзæн æххæст автоматикон. Ныртæккæ дзы цы зæронд донуадзæн лæууы, уый та у æрдæгавтоматикон. Ифтонггæрзтæ ласт куы ‘рцæуой бынатмæ, уæд сæ фæстæ æрцæудзысты, чи сæ сæвæра, æмæ йын йæ куыст чи æрбæстон кæна, ахæм кусджытæ. Уыдон ма ног донуадзæн хаххыл кусын сахуыр кæндзысты бынæттон кусджыты. Ацы донуадзæн хаххæн йæ бон уыдзæн 3000 авджы бæрц рауадзын сахаты дæргъы.
Директоры ныхæстæм гæсгæ, зæронд донуадзæн хаххы дæр æппаргæ нæ акæндзысты, кæд физикон æмæ моралон æгъдауæй дæр базæронд, уæддæр. Уый урæд æрцæудзæн рæстæгмæ æмæ йæ скæндзысты капиталон цалцæг æмæ йыл уадздзысты хуымæтæджы дон, кæнæ та æрдæглитруат мигæнæнты минералон дон. Ацы фарст нырма кæронмæ скъуыддзаг нæу. Йæ цалцæг кæнынæн, Тедейы фырты хъуыдымæ гæсгæ, мæйæ фылдæр рæстæг нæ бахъæудзæнис.
Ныртæккæ цы донуадзæн хахх кусы, ууыл кæд кусынц 9 адæймаджы, уæд ыл фæстæдæр та кусдзысты æрмæстдæр дыууæйæ. Цы кусджытæ ссæрибар уой, уыдон дæр æгуыстæй нæ баз-зайдзысты, кусдзысты сæхи зæронд хаххыл йе 'сцалцæг кæныны фæстæ.
Ныртæккæ заводы бæстыхай цæуы капиталон цалцæг, кæнынц дзы реконструкцигæнæн куыстытæ дæр. Ивд цæуы бæстыхайæн йæ агъуыст дæр. Цалцæггæнæн æмæ æмбæрзæн куыстытæ хъуамæ фæуой февралы мæйы кæронмæ.
Рауадзгæ продукцийы тыххæй куы зæгъæм, уæд адæмы 'хсæн апарахат ахæм хъуыды, зæгъгæ, минералон донмæ æфтауынц хæрыны содæ. Ацы хъуыдыимæ цæхгæр разы нæу заводы разамынад.
- Мах цы донгуырæнæй исæм минералон дон, уымæн куыд ма загътам, афтæмæй йе ‘мбисæй дæр нæ пайда кæнæм. Уæдæ ма йæм цæмæн хъуамæ æфтауæм хæрыны содæ, кæд æмæ йæхæдæг фагæй фылдæр у. Бирæтæ афтæ æнхъæлынц, агуывзæйы цы урс фæд баззайы, уый у содæ, фæлæ афтæ нæу. Минералон доны сконды вæййы цæххытæ æмæ уый у уыцы цæххытæй баззайгæ фæд, - загъта Тедейы фырт.
БЕСТАУТЫ Валя
Нæ республикæйы сæудæджерадон куыстуæттæй фæстаг дыууын азæй фылдæр уæззау дугивæнты чи нæ фæцудыдта æмæ йæ продукци фæлхасгæнджыты размæ чи хаста, уый уыд Бæгъиаты суары завод. Нæ фæцудыдта уымæн æмæ йын сæйраг хомыс агургæ, амалкæнинаг нæ уыдис æрдз æй йæхæдæг лæвæрдта æмæ дæдты.
Ацы минералон донæн йæ хосгæнæн миниуджытæм гæсгæ стыр кад ис фæлхасгæнджыты 'хсæн. Æхсызгонæй йæ агурынц куыд нæхимæ, республикæйы, афтæ уымæн æддейæ дæр. Минералон доны фæсауæрцтæ фадат дæттынц кондад рауæрæх кæнынæн. Ныртæккæ цы донгуырæнæй исынц хомыс, ома, суары дон, уымæн йе 'мбисæй дæр нæ цæуы пайда. Афтæмæй ма ацы бынæтты ноджыдæр ис, минералон дæттæ кæцæй цæуынц, ахæм донгуырæнтæ æмæ зæгъгæ, уыдонæй æххæстæй пайда цæуы, уæд суткæйы дæргъы райсæн ис 400 кубикон литры минералон дон. Уый та нысан кæны рауадзгæ продукцийы гуырахст 10 хатты фæфылдæр кæнын.
Æрæджы ацы куыстуатæн ногæй директорæй нысан æрцыд Тедеты Роланд. Уый ма раздæр дæр разамынд кодта ацы куыстуатæн æмæ нымад цыдис арæхстджын разамонæгыл.
Заводы продукцийы гуырахст фæфылдæр кæныны фæдыл æввахс рæстæджы исты ивындзинæдтæм æнхъæлмæкæсæн ис æви нæ, уый тыххæй нын директор загъта, зæгъгæ, æввахс рæстæджы, марты мæйы кæрон хъуамæ æрласой ног ифтонггæрзтæ æмæ сæвæрой ног донуадзæн хахх.
Уый уыдзæн æххæст автоматикон. Ныртæккæ дзы цы зæронд донуадзæн лæууы, уый та у æрдæгавтоматикон. Ифтонггæрзтæ ласт куы ‘рцæуой бынатмæ, уæд сæ фæстæ æрцæудзысты, чи сæ сæвæра, æмæ йын йæ куыст чи æрбæстон кæна, ахæм кусджытæ. Уыдон ма ног донуадзæн хаххыл кусын сахуыр кæндзысты бынæттон кусджыты. Ацы донуадзæн хаххæн йæ бон уыдзæн 3000 авджы бæрц рауадзын сахаты дæргъы.
Директоры ныхæстæм гæсгæ, зæронд донуадзæн хаххы дæр æппаргæ нæ акæндзысты, кæд физикон æмæ моралон æгъдауæй дæр базæронд, уæддæр. Уый урæд æрцæудзæн рæстæгмæ æмæ йæ скæндзысты капиталон цалцæг æмæ йыл уадздзысты хуымæтæджы дон, кæнæ та æрдæглитруат мигæнæнты минералон дон. Ацы фарст нырма кæронмæ скъуыддзаг нæу. Йæ цалцæг кæнынæн, Тедейы фырты хъуыдымæ гæсгæ, мæйæ фылдæр рæстæг нæ бахъæудзæнис.
Ныртæккæ цы донуадзæн хахх кусы, ууыл кæд кусынц 9 адæймаджы, уæд ыл фæстæдæр та кусдзысты æрмæстдæр дыууæйæ. Цы кусджытæ ссæрибар уой, уыдон дæр æгуыстæй нæ баз-зайдзысты, кусдзысты сæхи зæронд хаххыл йе 'сцалцæг кæныны фæстæ.
Ныртæккæ заводы бæстыхай цæуы капиталон цалцæг, кæнынц дзы реконструкцигæнæн куыстытæ дæр. Ивд цæуы бæстыхайæн йæ агъуыст дæр. Цалцæггæнæн æмæ æмбæрзæн куыстытæ хъуамæ фæуой февралы мæйы кæронмæ.
Рауадзгæ продукцийы тыххæй куы зæгъæм, уæд адæмы 'хсæн апарахат ахæм хъуыды, зæгъгæ, минералон донмæ æфтауынц хæрыны содæ. Ацы хъуыдыимæ цæхгæр разы нæу заводы разамынад.
- Мах цы донгуырæнæй исæм минералон дон, уымæн куыд ма загътам, афтæмæй йе ‘мбисæй дæр нæ пайда кæнæм. Уæдæ ма йæм цæмæн хъуамæ æфтауæм хæрыны содæ, кæд æмæ йæхæдæг фагæй фылдæр у. Бирæтæ афтæ æнхъæлынц, агуывзæйы цы урс фæд баззайы, уый у содæ, фæлæ афтæ нæу. Минералон доны сконды вæййы цæххытæ æмæ уый у уыцы цæххытæй баззайгæ фæд, - загъта Тедейы фырт.
БЕСТАУТЫ Валя
Источник - Газета Республика.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Комментарии (0)
-
-
0 / 0
-
Информация
Посетители, находящиеся в группе Гости, не могут оставлять комментарии к данной публикации.
Нашли ошибку?