Джиоты Вероникæ равдыста йæ райгуырæн Цхинвалы концерт
19 июля 2012 Культура [версия для печати] [читать комментарии] [размер шрифта: a- | А+] [6519 просмотров]
Хъæздыг у курдиæттæй Ирыстоны чысыл зæхх. Уæрæсейы æмæ дунейы алы рæтты бæрзонд профессионалон дæсныйад æвдисынц ирон чызджытæ æмæ лæппутæ. Уыдонмæ хауы нæ горæттаг, дунейы адæмтæн уарзон чи у, уыцы оперон зарæггæнæг Джиоты Вероникæ. Оперон дунейы æрттивагдæр стъалытæй сæ иу у не 'мзæххон, æрыгон, рæсугъд æмæ курдиатджын чызг Джиоты Вероникæ. Уый райгуырдис Цхинвалы. Сфæлдисæджы стыр лæвар, ын уыд суадоны донау сыгъдæг æмæ тыхджын хъæлæс. Цхинвайлæгтæ хорз зонгæ сты Вероникæйы уæлтæмæны аивадимæ аудиофыстытæ æмæ телеуынынады ралæвæрдты руаджы. Джиоты чызг у оперон зарæггæнджыты 'хсæн Уæрæсейы æмæ дунеон конкурсты лауреат. Ныртæккæ та у Стыр, Мариинаг æмæ новосибирскаг театрты оперæ æмæ балеты хуыздæр зарæггæнæг. Йæ диссаджы кæлæнзæлхъæлæс зæлыдис Корейæйы, АИШ, Итали, Испани, Японы, Эстони, Германы, Литва æмæ бирæ æндæр бæстæты оперон театрты.
Оперон зарæггæнæг Вероникæ, йе стыр театралон карьерæимæ баст чи у, йæ царды уыцы хабæрттæй дарддæр нырмæ дæр йæ зæрдыл дары æмæ йæ рох дæр никуы фæуыдзæн Цхинвалы Æлборты Феликсы номыл музыкалон ахуыргæнæндонмæ Хъуылымбегты Луизæйы вокалон къласмæ фыццаг хатт куы бацыд, уыцы хъуыддаг. Ам иу аз сахуыр кодта, стæй йæ йæ бинонты царды уавæртæм гæсгæ ацæуын бахъуыд Дзæуджыхъæумæ. Ам йæ фыццаг ахуыргæнæджы бацамындмæ гæсгæ ахуыр кæнынмæ бацыд Гергиты Валерийы номыл музыкалон ахуыргæнæндоны вокалон хайадмæ. Каст æй фæцис 2000 азы. Уый фæстæ 5 азы дæргъы ахуыр кодта Санкт-Петербурджы кансерваторийы зындгонд ахуыргæнæг, профессор Навиченко Тамарæйы къласы. 2005 азы йæ фыццаг æцæг концерт уыдис Мæскуыйы. Ам уый азарыд Коза Фантуттийы оперæ «Так поступают все»-йы. Вероникæ йæхæдæг куыд дзырдта, афтæмæй йын ацы оперæ ссис музыкæйы стыр дунемæ фæндаджы райдиан. Райста театралон премитæ «Золотая маска» æмæ «Золотой софит». Музыкалон профессионалтæ куыд сбæлвырд кодтой, конкретонæй та оперæйы иу зындгонд зарæггæнæг Барбара Кендрик ын йæ диссаджы хъæлæсы рахуыдта драматикон колоратурæ. Уый у иууыл стæмдæр чи æмбæлы, ахæм хъæлæс, куыд тæмæссаджы сопрано. Ахæм у нæ рæсугъд, курдиатджын æмæ хæларзæрдæ чызг Джиоты Вероникæ.
Дунеон оперæйы æрттиваг стъалы Цхинвалмæ кæй æрцæудзæн, уый раздæр фехъусын кодтой нæ республикæйы цæрджытæн дзыллон информацион фæрæзты руаджы. Уый фехъусгæйæ оперæйæн табугæнджытæ æнæрхъæцæй æнхъæлмæ кастытсты уыцы хъуыддагмæ, ома, æввахсмæ сценæйыл феной се 'мзæххон чызджы. Уайтагъд алхæдтой билеттæ дæр.
Цхинвалы 17 июлы хореографион залы уагъд æрцыдис Джиоты Вероникæйы хæрзаудæн солон концерт «Родине, которую люблю», зæгъгæ, ахæм номимæ. Бæрæг куыд у, афтæмæй ацы концерты сорганизаци кодта режиссер Дзуццаты Тамерлан . Концерт срæвдз кодтой æмæ йын сæйраг спонсортæ уыдысты хæрзаудæн фонд «Фæранк», ирон национ-культурон æхсæнадон организаци «Алани» æмæ Мæскуыйы ирон общинæйы совет РХИ-йы культурæйы министрады æххуысæй.
Уыцы изæр адæм цингæнгæйæ, рæсугъдвæлыстæй æмбырд кодтой хореографион залы. Концертмæ æрбацыдысты Вероникæйы хæстæджытæ, йæ хорз æмбæлттæ, сыхæгтæ оперæйæн табугæнджытæ æмæ нæ интеллигенцийы минæвæрттæ. Сценæмæ рахызт Дзуццаты Тамерлан æмæ адæмы базонгæ кодта концерты хайадисджытимæ. Сценæмæ рахуыдта Цæгат Ирыстоны Паддзахадон филармонийы симфонион оркестры. Æмæ йæ ныхас адарддæр кодта арфæтæ æмæ бузныджы ныхæстæй концерт чи бацæттæ кодта, æппæт уыдонæн. Уый фæстæ сценæмæ рахуыдта Цæгат Ирыстоны адæмон артисткæ Марина Ядыхы. Уый загъта, зæгъгæ, Цхинвалмæ æрцæугæйæ æмæ ацы сценæйыл лæугæйæ нæй гæнæн æмæ ма зæгъон ирон гениалон адæмы тыххæй. Цал æмæ цал курдиатджын адæймаджы райгуырд æмæ схъомыл ис ацы диссаджы, уазæгуарзон зæххыл. Музыкæйы кой куы ракæнæм, уæд æнæмæнг зæгъдзыстæм Хаханты Дудары ном, Гæбæраты Ильяйы, Кокойты Тæтæрхъан æмæ Аслæнбеджы, Æлборты Феликс æмæ бирæ æндæрты. Уыдоны се 'ппæты дæр хъæуы зонын æмæ хъуыды кæнын. Уый фæстæ Марина Ядых йæ ныхас адарддæр кодта æмæ цыбыртæй радзырдта Джиоты Вероникæйы цард æмæ сфæлдыстадон архайды тыххæй. Кæм райста музыкалон ахуырад æмæ йын чи бацамыдта йæ дæсныйады сусæгдзинæдтæ.
Бирæ мингай адæймæгтæ стыр æхцондзинадимæ хъусынц Вероникæйы тæмæссаг хъæлæсмæ. Уый у æцæг оперон дивæ. Вероникæимæ ма концерты сæрмагондæй хайад иста йæ цардæмбал, зындгонд дирижер Алим Шахмаметьев. Уымæн йæ концерты программæйы уыдысты куыд уырыссаг, афтæ фæсарæйнаг зынгæ композиторты уацмыстæ. Азарыд йæ уарзон италиаг композитортæ Дж. Верди æмæ Дж. Пуччинийы оперон уацмыстæ. Афтæ ма йæ программæйы уыдысты М. Равель, И. С. Бах, Н. Римский-Корсаков, В. А. Моцарт, Рахманинов, П. Чайковский, В.Беллини, Дж. Каччини, афтæ ма нырыккон зындгонд композиторты уацмыстæ дæр.
Вероникæйæн адæм æмдзæгъд кодтой лæугæйæ æмæ йын хастой дидинджытæ. Поэт Бахъаты Нугзар ын балæвар кодта йæхи чиныг. РХИ-йы культурæйы министр Кокойты Махарбег Президент Тыбылты Леониды æмæ йæхи номæй зæрдæбынæй раарфæ кодта номдзыд зарæггæнæгæн æмæ йын йæ цæст бауарзта ноджы стырдæр æнтыстытæ. Уый фæстæ йын балæвар кодта ныв «Хæхты зарæг». Вероникæйæн ма раарфæ кодта РХИ Хицауады сæрдары хæдивæг Джиоты Аллæ дæр. Вероникæ йæхæдæг дæр бузныг загъта йæ ирон адæмæн æмæ сæм æрсидт, цæмæй кæддæриддæр уарзой кæрæдзи æмæ уой иумæ. Бузныг загъта йæ ахуыргæнджытæн дæр (уыдон уыдысты концерты). Концертмæ æрбацæуджытæ иууылдæр баззадысты райгондæй ирон булæмæргъы хъæлæсы зæлтæм хъусгæйæ. Адæмы зæрдæтæ балхæдта йæ диссаджы зарды уæлтæмæны æнкъарæнтæй. Никæй фæндыд, цæмæй концерт фæуыдаид. Вероникæ ма кæронбæттæны адæмы домæнмæ гæсгæ сæххæст кодта цалдæр зарæджы. Уый фæстæ йын адæм арфæтæ кодтой. Уæдæ йын мах цæст дæр уарзы, цæмæй кæддæриддæр цæуа стыр аивады уæлахизы фæндæгтыл.
ЦХУЫРБАТЫ Ларисæ
Оперон зарæггæнæг Вероникæ, йе стыр театралон карьерæимæ баст чи у, йæ царды уыцы хабæрттæй дарддæр нырмæ дæр йæ зæрдыл дары æмæ йæ рох дæр никуы фæуыдзæн Цхинвалы Æлборты Феликсы номыл музыкалон ахуыргæнæндонмæ Хъуылымбегты Луизæйы вокалон къласмæ фыццаг хатт куы бацыд, уыцы хъуыддаг. Ам иу аз сахуыр кодта, стæй йæ йæ бинонты царды уавæртæм гæсгæ ацæуын бахъуыд Дзæуджыхъæумæ. Ам йæ фыццаг ахуыргæнæджы бацамындмæ гæсгæ ахуыр кæнынмæ бацыд Гергиты Валерийы номыл музыкалон ахуыргæнæндоны вокалон хайадмæ. Каст æй фæцис 2000 азы. Уый фæстæ 5 азы дæргъы ахуыр кодта Санкт-Петербурджы кансерваторийы зындгонд ахуыргæнæг, профессор Навиченко Тамарæйы къласы. 2005 азы йæ фыццаг æцæг концерт уыдис Мæскуыйы. Ам уый азарыд Коза Фантуттийы оперæ «Так поступают все»-йы. Вероникæ йæхæдæг куыд дзырдта, афтæмæй йын ацы оперæ ссис музыкæйы стыр дунемæ фæндаджы райдиан. Райста театралон премитæ «Золотая маска» æмæ «Золотой софит». Музыкалон профессионалтæ куыд сбæлвырд кодтой, конкретонæй та оперæйы иу зындгонд зарæггæнæг Барбара Кендрик ын йæ диссаджы хъæлæсы рахуыдта драматикон колоратурæ. Уый у иууыл стæмдæр чи æмбæлы, ахæм хъæлæс, куыд тæмæссаджы сопрано. Ахæм у нæ рæсугъд, курдиатджын æмæ хæларзæрдæ чызг Джиоты Вероникæ.
Дунеон оперæйы æрттиваг стъалы Цхинвалмæ кæй æрцæудзæн, уый раздæр фехъусын кодтой нæ республикæйы цæрджытæн дзыллон информацион фæрæзты руаджы. Уый фехъусгæйæ оперæйæн табугæнджытæ æнæрхъæцæй æнхъæлмæ кастытсты уыцы хъуыддагмæ, ома, æввахсмæ сценæйыл феной се 'мзæххон чызджы. Уайтагъд алхæдтой билеттæ дæр.
Цхинвалы 17 июлы хореографион залы уагъд æрцыдис Джиоты Вероникæйы хæрзаудæн солон концерт «Родине, которую люблю», зæгъгæ, ахæм номимæ. Бæрæг куыд у, афтæмæй ацы концерты сорганизаци кодта режиссер Дзуццаты Тамерлан . Концерт срæвдз кодтой æмæ йын сæйраг спонсортæ уыдысты хæрзаудæн фонд «Фæранк», ирон национ-культурон æхсæнадон организаци «Алани» æмæ Мæскуыйы ирон общинæйы совет РХИ-йы культурæйы министрады æххуысæй.
Уыцы изæр адæм цингæнгæйæ, рæсугъдвæлыстæй æмбырд кодтой хореографион залы. Концертмæ æрбацыдысты Вероникæйы хæстæджытæ, йæ хорз æмбæлттæ, сыхæгтæ оперæйæн табугæнджытæ æмæ нæ интеллигенцийы минæвæрттæ. Сценæмæ рахызт Дзуццаты Тамерлан æмæ адæмы базонгæ кодта концерты хайадисджытимæ. Сценæмæ рахуыдта Цæгат Ирыстоны Паддзахадон филармонийы симфонион оркестры. Æмæ йæ ныхас адарддæр кодта арфæтæ æмæ бузныджы ныхæстæй концерт чи бацæттæ кодта, æппæт уыдонæн. Уый фæстæ сценæмæ рахуыдта Цæгат Ирыстоны адæмон артисткæ Марина Ядыхы. Уый загъта, зæгъгæ, Цхинвалмæ æрцæугæйæ æмæ ацы сценæйыл лæугæйæ нæй гæнæн æмæ ма зæгъон ирон гениалон адæмы тыххæй. Цал æмæ цал курдиатджын адæймаджы райгуырд æмæ схъомыл ис ацы диссаджы, уазæгуарзон зæххыл. Музыкæйы кой куы ракæнæм, уæд æнæмæнг зæгъдзыстæм Хаханты Дудары ном, Гæбæраты Ильяйы, Кокойты Тæтæрхъан æмæ Аслæнбеджы, Æлборты Феликс æмæ бирæ æндæрты. Уыдоны се 'ппæты дæр хъæуы зонын æмæ хъуыды кæнын. Уый фæстæ Марина Ядых йæ ныхас адарддæр кодта æмæ цыбыртæй радзырдта Джиоты Вероникæйы цард æмæ сфæлдыстадон архайды тыххæй. Кæм райста музыкалон ахуырад æмæ йын чи бацамыдта йæ дæсныйады сусæгдзинæдтæ.
Бирæ мингай адæймæгтæ стыр æхцондзинадимæ хъусынц Вероникæйы тæмæссаг хъæлæсмæ. Уый у æцæг оперон дивæ. Вероникæимæ ма концерты сæрмагондæй хайад иста йæ цардæмбал, зындгонд дирижер Алим Шахмаметьев. Уымæн йæ концерты программæйы уыдысты куыд уырыссаг, афтæ фæсарæйнаг зынгæ композиторты уацмыстæ. Азарыд йæ уарзон италиаг композитортæ Дж. Верди æмæ Дж. Пуччинийы оперон уацмыстæ. Афтæ ма йæ программæйы уыдысты М. Равель, И. С. Бах, Н. Римский-Корсаков, В. А. Моцарт, Рахманинов, П. Чайковский, В.Беллини, Дж. Каччини, афтæ ма нырыккон зындгонд композиторты уацмыстæ дæр.
Вероникæйæн адæм æмдзæгъд кодтой лæугæйæ æмæ йын хастой дидинджытæ. Поэт Бахъаты Нугзар ын балæвар кодта йæхи чиныг. РХИ-йы культурæйы министр Кокойты Махарбег Президент Тыбылты Леониды æмæ йæхи номæй зæрдæбынæй раарфæ кодта номдзыд зарæггæнæгæн æмæ йын йæ цæст бауарзта ноджы стырдæр æнтыстытæ. Уый фæстæ йын балæвар кодта ныв «Хæхты зарæг». Вероникæйæн ма раарфæ кодта РХИ Хицауады сæрдары хæдивæг Джиоты Аллæ дæр. Вероникæ йæхæдæг дæр бузныг загъта йæ ирон адæмæн æмæ сæм æрсидт, цæмæй кæддæриддæр уарзой кæрæдзи æмæ уой иумæ. Бузныг загъта йæ ахуыргæнджытæн дæр (уыдон уыдысты концерты). Концертмæ æрбацæуджытæ иууылдæр баззадысты райгондæй ирон булæмæргъы хъæлæсы зæлтæм хъусгæйæ. Адæмы зæрдæтæ балхæдта йæ диссаджы зарды уæлтæмæны æнкъарæнтæй. Никæй фæндыд, цæмæй концерт фæуыдаид. Вероникæ ма кæронбæттæны адæмы домæнмæ гæсгæ сæххæст кодта цалдæр зарæджы. Уый фæстæ йын адæм арфæтæ кодтой. Уæдæ йын мах цæст дæр уарзы, цæмæй кæддæриддæр цæуа стыр аивады уæлахизы фæндæгтыл.
ЦХУЫРБАТЫ Ларисæ
Источник - ИА Рес.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Информация
Посетители, находящиеся в группе Гости, не могут оставлять комментарии к данной публикации.