Цæгат-Хуссар: æмхъаруйæ кусдзыстæм ирон адæмы рухс фидæныл
Майрæмбоны РЦИ-Аланийы Хицауады хæдзары уыд ахсджиаг фембæлд Цæгат æмæ Хуссар Ирыстоны дзыллон хабархæссæг фæрæзты минæвæрттæн. РЦИ-Аланийы мыхуыры æмæ дзыллон коммуникациты комитеты сæрдар ФИДАРАТЫ Юри æмæ Хуссар Ирыстоны Информаци æмæ мыхуыры паддзахадон комитеты сæргълæууæг ХЪОТАЙТЫ Мария цæлхæмбырды рæстæг бафыстой бадзырд дарддæры æмгуыстады тыххæй. РЦИ-Аланийы Сæргълæууæг БИТАРТЫ Вячеславы номæй уазджытæн Арфæйы гæххæтт æмæ зæрдылдарæн лæвæрттæ радта РЦИ-Аланийы Хицауады Сæрдары хæдивæг ФАДЗАЙТЫ Æхсарбег
Битары-фырт йæ арфæйы бузныг загъта нæ хуссайраг æфсымæртæ æмæ хотæн, иумæйаг информацион тыгъдады сæ размæ цы нысантæ сæвæрдтой, уый тыххæй. Цæгат æмæ Хуссар Ирыстоны дзыллон хабархæссæг фæрæзты минæвæртты ‘хсæн ахастдзинæдтæ хъуамæ уой æнгом æмæ иумæ кусой ирон адæмы хæлардзинад æмæ рухс фидæныл, уыд йæ ныстуан Сæргълæууæгæн.
Хъотайты Мария арфæ ракодта фысымтæн æмæ Фидараты Юрийы схорзæхджын кодта Хуссар Ирыстоны хæдбардзинады акты 25 азы юбилейон майданæй, дыуæ республикæйы дзыллон хабархæссæг фæрæзты ‘хсæн хæлардзинады тæгтæ кæй аразы, уый тыххæй.
Куыд зонæм, афтæмæй майы кæрон Цæгат Ирыстоны журналисттæ, горæт æмæ районты газетты æмæ журналты редактортæ архайдтой, Цхинвалы цы пресс-тур уыд, уым. Бирæ рæстæг дыууæ республикæйы дзыллон хабархæссæг фæрæзты ‘хсæн бастдзинæдтæ уыдысты хæлд. Ныр ацы фембæлдтытæ хъуамæ суой традицион.
Газет «Рæстдзинад»-ы сæйраг редактор, филологон наукæты кандидат Битарты Маринæ цæлхæмбырды загъта:
— Фыццаджыдæр, бузныг зæгъын дыууæ республикæйы разамонджытæн иумæйаг экономикон, культурон, информацион тыгъдад саразыны хъуыды сæм кæй æрцыд, æмæ нæ бастдзинæдтæн хъæугæ мадзæлттæ кæй аразынц, уый тыххæй. Æмæ кæд мах алы хатт афтæ фæзæгъæм: иу у нæ истори, не ‘взаг, нæ хъысмæт, уæд, мæнмæ гæсгæ, национ газеттыл бæрнон æмæ стыр хæс æвæрд ис. Уымæ гæсгæ, дыууæ национ газеты «Рæстдзинад» æмæ «Хурзæрин» сног кодтой лымæндзинады бастдзинæдтæ. Нæ уынаффæмæ гæсгæ дыууæ газеты дæр рæстæгæй-рæстæгмæ цæттæгонд цæудзысты сæрмагонд фæрстæ. «Рæстдзинад»-ы фарсылиу уыдзæнис Хуссар Ирыстоны царды алы къабæзтæй æрмæджытæ, «Хурзæрин»-ы та — Цæгатæй. Мах уал ахæм фарс рауагътам. Йæ сæргонд та ахæм у: “Иудзинад нæ рухс фидæнмæ хоны, фарны уидаг арæнтæ нæ зоны!” Ахæм фарс Хуссары дæр куы бацæттæ уа, уæд дарддæр фембæлдзысты дыууæ редакцийы кусджытæ æмæ æрныхас кæндзысты ирон грамматикæйы фарстатыл. Мах иумæйагæй куы бахъахъхъæнæм нæ мадæлон æвзаджы хæдхуыздзинад, уæд нæ фидæны фæлтæртæ æнцондæр æмæ уæнгрогдæрæй архайдзысты йæ дарддæры рæзтыл.
— Ацы хъуыддаг саразыныл рагæй хъуыды кодтам. Нæ адæм хорз сты, фæлæ бирæтæ сæхи сæ мадæлон æвзагæй атигъ кодтой. Кæм сты, сомбон ирон æвзагыл чи фысдзæн, уыцы журналисттæ? Аивадон уацмыстæ иронау чи фысдзæн, уыдон Цæгат æмæ Хуссар Ирыстоны абон нæхи ‘хсæн куы нæ агурæм, куы нæ сæ ахуыр кæнæм, нæ кæрæдзимæ куы нæ фæкæсæм, уæд стыр рæдыд уыдзæн. Мæхæдæг дæр разы дæн нæ хуссайраг æфсымæртимæ ахуыртæ саразыныл. Мах иу адæм стæм! Ацы хъуыддаг зæрдæйæ рахастам æмæ йын æнæ сырæзгæ нæй, — загъта Фидараты Юри.
Хъотайты Мария куыд загъта, афтæмæй ацы фембæлдтæн стыр ахадындзинад ис. Журналисттæ иумæйаг мадзæлтты архайгæйæ кæрæдзи базонынц, бахæлар вæййынц, æмæ уый, æнæмæнг, хорзæрдæм сахады сæ дарддæры куыстыл æмæ дыууæ республикæйы цæрджыты ‘хсæн ахастдзинæдтыл.
Цæлхæмбырды архайджытæ кæрæдзийæн æргом дзырдтой сæ хъуыдытæ, сæ фæндæттæ, æрныхас кодтой, дыууæ республикæйы цы культурон, экономикон, ахуырадон хабæрттæ цæуы, уыдоны тыххæй.
Пресс-туры архайджытæн сæ балц райдыдта мемориалон комплекс «Барбашовы фæз» бабæрæг кæнынæй. Сæвæрдтой дидинджытæ, Фыдыбæстæйы Стыр хæсты чи фæмард, уыдоны рухс ном аргæйæ, Барбашовы цыртдзæвæныл. Дарддæр сæм æнхъæлмæ каст экскурси «Бавари»-йы куыстуатмæ. Нырыккон кусæн техникæ, егъау цехтæ, бæгæныфыцæнтæ, картофы мыггæгтæ цæттæгæнæн лаборатори æмæ иннæ цымыдисаг хабæрттæ уазджытæм сæвзæрын кодтой арф æнкъарæнтæ. Куыстуаты фысымтæ уазджытæн ракодтой арфæтæ æмæ сын балæвар кодтой зæрдылдарæн лæвæрттæ. Рахастой, ам цы адджын дæттæ æмæ бæгæны цæттæ кæнынц, уыдоны алы хуызтæ, æмæ уазджытæн уыд фадат сæ ад сын базонынæн. Пресс-туры программæ хъæздыг уыд алы мадзæлттæй. Бабарæг кодтой Республикæйы национ музей дæр. Уым сын Хъантемыраты Эльбрус радзырдта, археологон куыстыты рæстæг цы историон æрмæджытæ ссардтой, уыдоныл æнцой кæнгæйæ, нæ фыдæлты историйы хабæрттæ. Национ телеуынынад «Осетия-Ирыстон»-ы генералон директор Дзабиты Эльбрус, йæ хæдивæг Ассир Хамхоев, информацион хайады сæргълæууæг Дзгойты Ольгæ, генералон продюсер Хъæрджынты Иринæ, сæрмагонд проектты хайады сæргълæууæг Баскаты Ольгæ сæ хуссайраг æмкусджытæн равдыстой ног телеуынынады профессионалон авналæнты уæрæхдзинад, ног студитæ æмæ нырыккон кусæн техникæ. Иумæ æрдзырдтой, сæ зæрдæ сын цы фарстатæ агайдта, уыдоныл. Баныхас кодтой кæрæдзимæ сæ æрмæджытæ кæй æрвитдзысты, ныр та уал кусæг къорд йæхи цæттæ кæны Хуссармæ, цæмæй бацæттæ кæной телеравдыст 8 августы цауты мысæн бонмæ.
Фембæлд рауад мастерклассты хуызы æмæ дзы алчидæр йæхицæн райста, йæ куысты йын ахъаз чи уыдзæн, ахæм ногдзинæдтæ.
ХЕТÆГКАТЫ Оксанæ
https://растдзинад.рф/2018/07/10/tsaegat-hussar-aemharujae-kusdzystaem-iron-adaemy-ruhs-fidaenyl.html
Битары-фырт йæ арфæйы бузныг загъта нæ хуссайраг æфсымæртæ æмæ хотæн, иумæйаг информацион тыгъдады сæ размæ цы нысантæ сæвæрдтой, уый тыххæй. Цæгат æмæ Хуссар Ирыстоны дзыллон хабархæссæг фæрæзты минæвæртты ‘хсæн ахастдзинæдтæ хъуамæ уой æнгом æмæ иумæ кусой ирон адæмы хæлардзинад æмæ рухс фидæныл, уыд йæ ныстуан Сæргълæууæгæн.
Хъотайты Мария арфæ ракодта фысымтæн æмæ Фидараты Юрийы схорзæхджын кодта Хуссар Ирыстоны хæдбардзинады акты 25 азы юбилейон майданæй, дыуæ республикæйы дзыллон хабархæссæг фæрæзты ‘хсæн хæлардзинады тæгтæ кæй аразы, уый тыххæй.
Куыд зонæм, афтæмæй майы кæрон Цæгат Ирыстоны журналисттæ, горæт æмæ районты газетты æмæ журналты редактортæ архайдтой, Цхинвалы цы пресс-тур уыд, уым. Бирæ рæстæг дыууæ республикæйы дзыллон хабархæссæг фæрæзты ‘хсæн бастдзинæдтæ уыдысты хæлд. Ныр ацы фембæлдтытæ хъуамæ суой традицион.
Газет «Рæстдзинад»-ы сæйраг редактор, филологон наукæты кандидат Битарты Маринæ цæлхæмбырды загъта:
— Фыццаджыдæр, бузныг зæгъын дыууæ республикæйы разамонджытæн иумæйаг экономикон, культурон, информацион тыгъдад саразыны хъуыды сæм кæй æрцыд, æмæ нæ бастдзинæдтæн хъæугæ мадзæлттæ кæй аразынц, уый тыххæй. Æмæ кæд мах алы хатт афтæ фæзæгъæм: иу у нæ истори, не ‘взаг, нæ хъысмæт, уæд, мæнмæ гæсгæ, национ газеттыл бæрнон æмæ стыр хæс æвæрд ис. Уымæ гæсгæ, дыууæ национ газеты «Рæстдзинад» æмæ «Хурзæрин» сног кодтой лымæндзинады бастдзинæдтæ. Нæ уынаффæмæ гæсгæ дыууæ газеты дæр рæстæгæй-рæстæгмæ цæттæгонд цæудзысты сæрмагонд фæрстæ. «Рæстдзинад»-ы фарсылиу уыдзæнис Хуссар Ирыстоны царды алы къабæзтæй æрмæджытæ, «Хурзæрин»-ы та — Цæгатæй. Мах уал ахæм фарс рауагътам. Йæ сæргонд та ахæм у: “Иудзинад нæ рухс фидæнмæ хоны, фарны уидаг арæнтæ нæ зоны!” Ахæм фарс Хуссары дæр куы бацæттæ уа, уæд дарддæр фембæлдзысты дыууæ редакцийы кусджытæ æмæ æрныхас кæндзысты ирон грамматикæйы фарстатыл. Мах иумæйагæй куы бахъахъхъæнæм нæ мадæлон æвзаджы хæдхуыздзинад, уæд нæ фидæны фæлтæртæ æнцондæр æмæ уæнгрогдæрæй архайдзысты йæ дарддæры рæзтыл.
— Ацы хъуыддаг саразыныл рагæй хъуыды кодтам. Нæ адæм хорз сты, фæлæ бирæтæ сæхи сæ мадæлон æвзагæй атигъ кодтой. Кæм сты, сомбон ирон æвзагыл чи фысдзæн, уыцы журналисттæ? Аивадон уацмыстæ иронау чи фысдзæн, уыдон Цæгат æмæ Хуссар Ирыстоны абон нæхи ‘хсæн куы нæ агурæм, куы нæ сæ ахуыр кæнæм, нæ кæрæдзимæ куы нæ фæкæсæм, уæд стыр рæдыд уыдзæн. Мæхæдæг дæр разы дæн нæ хуссайраг æфсымæртимæ ахуыртæ саразыныл. Мах иу адæм стæм! Ацы хъуыддаг зæрдæйæ рахастам æмæ йын æнæ сырæзгæ нæй, — загъта Фидараты Юри.
Хъотайты Мария куыд загъта, афтæмæй ацы фембæлдтæн стыр ахадындзинад ис. Журналисттæ иумæйаг мадзæлтты архайгæйæ кæрæдзи базонынц, бахæлар вæййынц, æмæ уый, æнæмæнг, хорзæрдæм сахады сæ дарддæры куыстыл æмæ дыууæ республикæйы цæрджыты ‘хсæн ахастдзинæдтыл.
Цæлхæмбырды архайджытæ кæрæдзийæн æргом дзырдтой сæ хъуыдытæ, сæ фæндæттæ, æрныхас кодтой, дыууæ республикæйы цы культурон, экономикон, ахуырадон хабæрттæ цæуы, уыдоны тыххæй.
Пресс-туры архайджытæн сæ балц райдыдта мемориалон комплекс «Барбашовы фæз» бабæрæг кæнынæй. Сæвæрдтой дидинджытæ, Фыдыбæстæйы Стыр хæсты чи фæмард, уыдоны рухс ном аргæйæ, Барбашовы цыртдзæвæныл. Дарддæр сæм æнхъæлмæ каст экскурси «Бавари»-йы куыстуатмæ. Нырыккон кусæн техникæ, егъау цехтæ, бæгæныфыцæнтæ, картофы мыггæгтæ цæттæгæнæн лаборатори æмæ иннæ цымыдисаг хабæрттæ уазджытæм сæвзæрын кодтой арф æнкъарæнтæ. Куыстуаты фысымтæ уазджытæн ракодтой арфæтæ æмæ сын балæвар кодтой зæрдылдарæн лæвæрттæ. Рахастой, ам цы адджын дæттæ æмæ бæгæны цæттæ кæнынц, уыдоны алы хуызтæ, æмæ уазджытæн уыд фадат сæ ад сын базонынæн. Пресс-туры программæ хъæздыг уыд алы мадзæлттæй. Бабарæг кодтой Республикæйы национ музей дæр. Уым сын Хъантемыраты Эльбрус радзырдта, археологон куыстыты рæстæг цы историон æрмæджытæ ссардтой, уыдоныл æнцой кæнгæйæ, нæ фыдæлты историйы хабæрттæ. Национ телеуынынад «Осетия-Ирыстон»-ы генералон директор Дзабиты Эльбрус, йæ хæдивæг Ассир Хамхоев, информацион хайады сæргълæууæг Дзгойты Ольгæ, генералон продюсер Хъæрджынты Иринæ, сæрмагонд проектты хайады сæргълæууæг Баскаты Ольгæ сæ хуссайраг æмкусджытæн равдыстой ног телеуынынады профессионалон авналæнты уæрæхдзинад, ног студитæ æмæ нырыккон кусæн техникæ. Иумæ æрдзырдтой, сæ зæрдæ сын цы фарстатæ агайдта, уыдоныл. Баныхас кодтой кæрæдзимæ сæ æрмæджытæ кæй æрвитдзысты, ныр та уал кусæг къорд йæхи цæттæ кæны Хуссармæ, цæмæй бацæттæ кæной телеравдыст 8 августы цауты мысæн бонмæ.
Фембæлд рауад мастерклассты хуызы æмæ дзы алчидæр йæхицæн райста, йæ куысты йын ахъаз чи уыдзæн, ахæм ногдзинæдтæ.
ХЕТÆГКАТЫ Оксанæ
https://растдзинад.рф/2018/07/10/tsaegat-hussar-aemharujae-kusdzystaem-iron-adaemy-ruhs-fidaenyl.html
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Комментарии (0)
-
-
0 / 1
-
Информация
Посетители, находящиеся в группе Гости, не могут оставлять комментарии к данной публикации.
Нашли ошибку?