Алайнаг Епархийы сæргълæууæг Епископ Георгийы ногазон раныхас
31 декабря 2006 Новости [версия для печати] [читать комментарии] [размер шрифта: a- | А+] [7031 просмотр]
Мæ зынаргъ æмбæстæгтæ, хотæ æмæ æфсымæртæ, æрхæччæ кæны кæронмæ 2006-м аз. Ашы аз махæн Хуышауы арфæйæ уыди æнæтугкалд, уыди æнæ стыр зынжинæдтæй. Æмæ мах ашы аз сарызтам иуыл штырдæр хъуыддаг, мах ауагътам референдум, шы ран нæ ныхас загътам, шæмæй бахъахъхъæнæм нæ сомбон. Æмæ уымæн Хуышау уыдис æвдисæн. Æрлæууы ног аз 2007 аз. Æмæ кæд раздæр зынжинæдтæ æййæфтам, æмæ нæ уышы зынжинæдты Хуышау хъахъхъæдта, лæвæрдта не фсадæн уæлахизжинад не знæгтыл æмæ нæ Ирыстоны адæмæн та уды æмæ уæнгты фидаржинад, уæд æрлæууы Ног аз, кæшы домы нæхи зонд, нæхи уд, нæхи уæнгты тых. Махæн Хуышау уыд æххуысгæнæг æмæ нæ абоны онг дæр æвæры, æвæрдта нæ зынжинæдты æмæ уæззау уавæрты. Æмæ кæд ныр махæн нæ бон башис ашы 15 азы мидæг шæрын æмæ нæ сомбон кæнын, уæд махæй фылдæр домы рæстæг дæр, æгъдау дæр æмæ шард дæр шæмæй нæ сомбон кæнæм нæхæдæг. Мæн уырны уый, æмæ нæ къæсæрыл шы ног, 2007 аз æрбалæууыд, уым махæн нæ бон бауыджæн ис скæнын кæронмæ уышы хъуыддæгтæ, кæдон раздæр нæ бон кæронмæ бакæнын нæ баши. Мæн уырны уый æмæ нæм фæзынджæн уыйас тых, Хуышауы арфæйæ, æмæ ма нæм шы зынжинæдтæ кæсынч, уыдон иумæ, æмткæй ахæссын бауыджæнис нæ бон æмæ кæронмæ скæнæм нæ Хуссар Ирыстоны падджахадæн йе гъдау. Мах шæрæм ахæм дуджы, кæшы историкон æгъдаумæ гæсгæ, дины æгъдаумæ гæсгæ, уырнынады æгъдаумæ гæсгæ штыр нысан ныууаджысты сомбоны рæстæджыты мидæг. Æмæ кæд ныр махæн нæ бон нæ бауа бындур æрæвæрын Аланыстонæн, Ирыстоны сомбонæн, уæд иннæ рæстæджыты мидæг бындургæнæг ничи уыджæнис мах йеддæмæ.
Уæдæ Хуышау раарфæ кæнæт алкæмæндæр йæ уæларвон арфæтæ Ног азы. Арфæгонд уæм Хуышауæй, зондæй дæр, удæй дæр, æмæ уæнгтæй дæр. Арфæгæнæг нын у, æмæ мах та йæ арфæтæ исынхъом шы уæм, уый амонд махæн схай кæнæт Дунейы фарн. Арфæгонд ут ме мбæстæгтæ Хуышауы арфæйæ.
ИА ОСинформ
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Информация
Посетители, находящиеся в группе Гости, не могут оставлять комментарии к данной публикации.