"Рæстдзинад" гуырдзиагау
13 декабря 2007 История [версия для печати] [читать комментарии] [размер шрифта: a- | А+] [3351 просмотр]
Абоны онг уал Гуырдзыстоны централон æвзарæн къамис срегистраци кодта бæстæйы президенты бынатмæ 5 кандидаты. Регистраци кæнынмæ ма æнхъæлмæ кæсы 7 адæймаджы. Уыдон æвзарджыты номхыгъдты нырма бæрæг кæнын хъæуы. Æддæрдыгæй бакæсгæйæ, афтæ зыны, цыма алцы дæр сарæзтæуыд закъоны фæлгæтты: æрæмбырд чындæуыд æвзарджыты къухфысттæ, кандидаттæ се ‘ппæт дæр æнхъæлмæ кæсынц æвзарæн къамисы раст уынаффæмæ.
Гъе, фæлæ кандидаттæ Л. Гачечиладзе, Г. Гамхърелидзе, Ш. Нателашвили æмæ Б. Пъатъаркъацишвили цæмæдæр гæсгæ Америкæйы Иугонд Штаттæм, Баиугонд Нациты Организацимæ, НАТО, ЕÆÆО æмæ Европарламентмæ арвыстой ныстуан, цыран Ныгуылæнмæ сидынц, цæмæй «Гуырдзыстоны разамындæн ауадзын кæной 2008 азы 5 январы демократон æмæ сæрибар президентон æвзæрстытæ». Ныстуаны ма домдæуы «кандидаттæн се ‘ппæтæн дæр æвзæрстыты агъоммæ кампани ауадзыны æмхуызон уавæртæ раттын, æвзæрстыты фæстиуджытæ фальсификаци ма бауадзын æмæ сæ æххæстмасштабонæй дунеон мониторинг кæнын».
Цымæ цæуыл тыхсынц кандидаттæ? Цымæ уыдон не ‘ууæндынц «рæстдзинадыл» гуырдзиагау? Æви уыдон бирæ фылдæр зонынц хуымæджы хъусдарджытæй?
Куыд зыны, афтæмæй оппозицийæ кандидатты зæрдæмæ нæ цæуы уый, æмæ президенты бынатмæ претенденттæй иуæн, разамонæг партийæ кандидат Михаил Саакашвилийæн лæвæрд кæй цæуы æппæт хæрзиуджытæ æмæ агитаци кæнынæн æнæкъуылымпы фадат, иууыл хуыздæр эфирон рæстæг æмæ æмбæстæгты фылдæр хайы æххуыс.
Зæгъæм, социологион иртасынæдты цетр «DCG Research» ныммыхуыр кодта бафарсты фæстиуджытæ. Уыдонмæ гæсгæ та æвзæрстытæм æрцæуинаг респондентты 54,5 проценты хъæлæс ратдзысты М. Саакашвилийæн, 15,5 проценты - баиугонд оппозицийæн президенттæм кандидат Л. Гачечиладзейæн, 14,5 проценты - Б. Пъатъаркъацишвилийæн, 6,4 проценты Г. Гамхърелидзейæн, 5,6 проценты - Ш. Нателашвилийæн æмæ 3,5 проценты та - Г. Маисашвилийæн.
Афтæ зыны, цыма алцыдæр раст у: бафарст бафарст у. Гъе, фæлæ цымæ раст у?
Практикон æгъдауæй æрвылкъуырион «Къвирис палитра» æмæ консультацион-иртасæн къорд «GCG»-имæ иу рæстæджы уагъд чи æрцыд, уыцы хæдбар бафарстыты зонæнтæм гæсгæ кандидатты рейтингы реалон æгъдауæй лидерæй цæуы Л. Гачечиладзе. Уымæн йæ фарс хæцынц респондетты 39,9 проценты æмæ М. Саакашвилийыл та баууæндыдысты æрмæстдæр æвзарджыты 36,6 проценты.
Принципы, ахæм æнæрастдзинæдтыл тынг арæх æмбæлдæуы. Ам æппындæр ницы ис экстраординаронæй: социологион бафарсты организатортæ, кандидатæй цасдæр суммæ райсгæйæ, нысан кæнынц ахæм фæстиуджытæ, кæцытæ дзуапп нæ дæттынц æцæгдзинадæн, фæлæ уый хыгъд ын æвдисынц йе стыр рейтинг.
Æмæ алцы дæр, гæнæн ис, æмæ нывыл уа, фæлæ ма ис иу æндæр хъуыддаг æмæ уый тыххæй зонынц оппозицийы лидертæ: центр «ВCG Research»-æн разамынд кæны Анна Тархнишвили, Гуырдзыстоны централон æвзарæн къамисы сæргълæууæг Л. Тархнишвилийы æмкъай. Æмæ кæд Тархнишвилийы бинонтæ иу хатт хайад райстой фæстиуджыты фæивыны, уæд чи ратдзæн кандидатты регистраци кæныны рæстæджы æмæ уый фæстæ та хъæлæстæ нымайыны рæстæджы рæстдзинады гаранти?
Æмæ ма мæнæ ноджыдæр оппозицийы æнæразыдзинад чи æвзæрын кæны, ахæм æндæр цæвиттон. Хæрзæрæджы Ш. Нателашвилийы æвзарæн штабы разамонæг Г. Гугава апарахат кодта хъусынгæнинаг. Уыцы хъусынгæнинагмæ гæсгæ «президенттæм кандидат М. Саакашвили йæ æвзæрстыты агъоммæ кампани ауадзыны сæраппонд Гуырдзыстоны паддзахадон бюджетæй райста 1 миллиард ларийы бæрц». Хъуыддаг чи нæ зоны, уыдонæн уый уадиссаг æмбæрст нæу. Гъе, фæлæ хъуыддаг чи зоны, уыцы адæймæгтæ иттæг хорз зонынц уый, æмæ Гуырдзыстоны æвзарæн кодексы 76-æм статья кæй нæ дæтты уыцы нысæнтæн бюджетон фæрæзтæй пайда кæныны бар.
Уый æмрæстæджы ма Гуырдзыстоны æвзонг юристты ассоциацийы минæвæрттæ фехъусын кодтой, зæгъгæ, «М. Саакашвили, æвзарæн кодекс фехалгæйæ, лигъдæттимæ фембæлд ауагъта Тбилисы мэрийы бæстыхайы». Уый дæр æмбæрст нæу. Æмæ хъуыддаг та ис уый мидæг, æмæ уыцы кодексмæ гæсгæ æвзæрстыты агъоммæ агитацийы хайад райсыны бар нæй, паддзахадон кæнæ бынæттон хицауады органты чиновниктæ чи сты æмæ ахæм хæстæ чи æххæст кæны, уыцы адæймæгтæн. Идеямæ гæсгæ кодекс афтæ фехалыны тыххæй æфхæрд дæттын хъæуы ивар 1,5-2 мин ларийы бæрц.
… Растдæр ахæм «рæстдзинад» ис ныртæккæ Гуырдзыстоны. Хъыгагæн, оппозицийы минæвæртты уый тыхсын кæнын райдыдта æрмæстдæр ныр…
"Хурзæрин"
ИА ОСинформ
Гъе, фæлæ кандидаттæ Л. Гачечиладзе, Г. Гамхърелидзе, Ш. Нателашвили æмæ Б. Пъатъаркъацишвили цæмæдæр гæсгæ Америкæйы Иугонд Штаттæм, Баиугонд Нациты Организацимæ, НАТО, ЕÆÆО æмæ Европарламентмæ арвыстой ныстуан, цыран Ныгуылæнмæ сидынц, цæмæй «Гуырдзыстоны разамындæн ауадзын кæной 2008 азы 5 январы демократон æмæ сæрибар президентон æвзæрстытæ». Ныстуаны ма домдæуы «кандидаттæн се ‘ппæтæн дæр æвзæрстыты агъоммæ кампани ауадзыны æмхуызон уавæртæ раттын, æвзæрстыты фæстиуджытæ фальсификаци ма бауадзын æмæ сæ æххæстмасштабонæй дунеон мониторинг кæнын».
Цымæ цæуыл тыхсынц кандидаттæ? Цымæ уыдон не ‘ууæндынц «рæстдзинадыл» гуырдзиагау? Æви уыдон бирæ фылдæр зонынц хуымæджы хъусдарджытæй?
Куыд зыны, афтæмæй оппозицийæ кандидатты зæрдæмæ нæ цæуы уый, æмæ президенты бынатмæ претенденттæй иуæн, разамонæг партийæ кандидат Михаил Саакашвилийæн лæвæрд кæй цæуы æппæт хæрзиуджытæ æмæ агитаци кæнынæн æнæкъуылымпы фадат, иууыл хуыздæр эфирон рæстæг æмæ æмбæстæгты фылдæр хайы æххуыс.
Зæгъæм, социологион иртасынæдты цетр «DCG Research» ныммыхуыр кодта бафарсты фæстиуджытæ. Уыдонмæ гæсгæ та æвзæрстытæм æрцæуинаг респондентты 54,5 проценты хъæлæс ратдзысты М. Саакашвилийæн, 15,5 проценты - баиугонд оппозицийæн президенттæм кандидат Л. Гачечиладзейæн, 14,5 проценты - Б. Пъатъаркъацишвилийæн, 6,4 проценты Г. Гамхърелидзейæн, 5,6 проценты - Ш. Нателашвилийæн æмæ 3,5 проценты та - Г. Маисашвилийæн.
Афтæ зыны, цыма алцыдæр раст у: бафарст бафарст у. Гъе, фæлæ цымæ раст у?
Практикон æгъдауæй æрвылкъуырион «Къвирис палитра» æмæ консультацион-иртасæн къорд «GCG»-имæ иу рæстæджы уагъд чи æрцыд, уыцы хæдбар бафарстыты зонæнтæм гæсгæ кандидатты рейтингы реалон æгъдауæй лидерæй цæуы Л. Гачечиладзе. Уымæн йæ фарс хæцынц респондетты 39,9 проценты æмæ М. Саакашвилийыл та баууæндыдысты æрмæстдæр æвзарджыты 36,6 проценты.
Принципы, ахæм æнæрастдзинæдтыл тынг арæх æмбæлдæуы. Ам æппындæр ницы ис экстраординаронæй: социологион бафарсты организатортæ, кандидатæй цасдæр суммæ райсгæйæ, нысан кæнынц ахæм фæстиуджытæ, кæцытæ дзуапп нæ дæттынц æцæгдзинадæн, фæлæ уый хыгъд ын æвдисынц йе стыр рейтинг.
Æмæ алцы дæр, гæнæн ис, æмæ нывыл уа, фæлæ ма ис иу æндæр хъуыддаг æмæ уый тыххæй зонынц оппозицийы лидертæ: центр «ВCG Research»-æн разамынд кæны Анна Тархнишвили, Гуырдзыстоны централон æвзарæн къамисы сæргълæууæг Л. Тархнишвилийы æмкъай. Æмæ кæд Тархнишвилийы бинонтæ иу хатт хайад райстой фæстиуджыты фæивыны, уæд чи ратдзæн кандидатты регистраци кæныны рæстæджы æмæ уый фæстæ та хъæлæстæ нымайыны рæстæджы рæстдзинады гаранти?
Æмæ ма мæнæ ноджыдæр оппозицийы æнæразыдзинад чи æвзæрын кæны, ахæм æндæр цæвиттон. Хæрзæрæджы Ш. Нателашвилийы æвзарæн штабы разамонæг Г. Гугава апарахат кодта хъусынгæнинаг. Уыцы хъусынгæнинагмæ гæсгæ «президенттæм кандидат М. Саакашвили йæ æвзæрстыты агъоммæ кампани ауадзыны сæраппонд Гуырдзыстоны паддзахадон бюджетæй райста 1 миллиард ларийы бæрц». Хъуыддаг чи нæ зоны, уыдонæн уый уадиссаг æмбæрст нæу. Гъе, фæлæ хъуыддаг чи зоны, уыцы адæймæгтæ иттæг хорз зонынц уый, æмæ Гуырдзыстоны æвзарæн кодексы 76-æм статья кæй нæ дæтты уыцы нысæнтæн бюджетон фæрæзтæй пайда кæныны бар.
Уый æмрæстæджы ма Гуырдзыстоны æвзонг юристты ассоциацийы минæвæрттæ фехъусын кодтой, зæгъгæ, «М. Саакашвили, æвзарæн кодекс фехалгæйæ, лигъдæттимæ фембæлд ауагъта Тбилисы мэрийы бæстыхайы». Уый дæр æмбæрст нæу. Æмæ хъуыддаг та ис уый мидæг, æмæ уыцы кодексмæ гæсгæ æвзæрстыты агъоммæ агитацийы хайад райсыны бар нæй, паддзахадон кæнæ бынæттон хицауады органты чиновниктæ чи сты æмæ ахæм хæстæ чи æххæст кæны, уыцы адæймæгтæн. Идеямæ гæсгæ кодекс афтæ фехалыны тыххæй æфхæрд дæттын хъæуы ивар 1,5-2 мин ларийы бæрц.
… Растдæр ахæм «рæстдзинад» ис ныртæккæ Гуырдзыстоны. Хъыгагæн, оппозицийы минæвæртты уый тыхсын кæнын райдыдта æрмæстдæр ныр…
"Хурзæрин"
ИА ОСинформ
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Комментарии (0)
-
-
0 / 0
-
Информация
Посетители, находящиеся в группе Гости, не могут оставлять комментарии к данной публикации.
Нашли ошибку?