Плиты Серго "Уырысæмæ Цæгатимæ"
Куырмæджы бадæм арф лæгæтты,
Нæ хъусты къуырманиз ныххызт.
Цы цæуы дунейы фæлгæтты,
Æййафæм уый фыдæх æлгъыст.
Фæзынди низ - короновирус-,
Нæ фæндаг алырдæм-æхгæд.
Мæскуыйы дæр дзы амард иу ус,
Куыройваг нæй мæнæу æлхæд.
Нæ уадзы мах паспортæй арæн,
Цæгатимæ кæй не ‘стæм иу.
Тыххæй ма дзулваг ыссад арæм,
Кæм ысты, чи хоста йæ риу?
’’Нæ дам нæ хъæуы ничи ‘ппындæр,
Нæхæдæг, дам, паддзахад уæм.
Æппæтæй, дам, ыстæм тыхджындæр,
Æмæ дам, хицæнæй цæрæм.’’
Фæлæ куы фæцæуы гæрæхтæ,
Сæ бындз уæд атæхы æваст.
Ифтындзын райдайынц сæ бæхтæ,
Хæрæгау райхъуысы сæ уаст…
-Æнæ Уырыс æмæ Цæгат Ир,
Ам, Хуссарæн цæрæнбон нæй.
Æмæ дæ къухтæ дардыл ма тил,
Фæлæ дæ лыстæны ныссæй.-
Æнæ Уырыс æмæ Цæгат Ир,
Фыдызнаг аныхъхъуырдзæн мах.
Æссад нæ лыуардзæн нæ сасир,
Бæстон фæцуддзæнис нæ къах.
Нæ амонд у Уырысæй-Ирмæ,
Дыккаг хъуыдыйæн уæвæн нæй.
Мах хъуамæ иу зæрдæйæ иумæ,
Цæгатимæ фæрнæй цæрæм.
20.03.2020 аз. Цхинвал
Опубликованно: 28-03-2020, 21:03
Документ: Общество > http://alaniainform.org/76580-plity-sergo-uyrys230m230c230gatim230.html
Copyright © Osinform.ru
При копировании материалов, гиперссылка обязательна.