Online video hd

Смотреть 3d видео

Официальный сайт jetune 24/7/365

Смотреть видео бесплатно

ÆДЗÆСТУАРЗОНДЗИНАД

26 декабря 2019 Общество [версия для печати] [читать комментарии] [размер шрифта: a- | А+] [5314 просмотров]
ÆДЗÆСТУАРЗОНДЗИНАДПерс æмæ Византийы паддзæхтæ кæрæдзийы акомкоммæ лæугæйæ уæлозæй кастысты тохмæ æмæ цин кодтой. Персаг-византийаг дæргъвæтин хæсты ныр ныхæй-ныхмæ æрлæууыдысты æмæ мæлæтдзаг тохы бацыдысты алайнаг (ирон) бæхджын æфсæдтæ: сæ иуты Перс баххуырста, иннæты - Византи. Фырхъал императорты ма æндæр цы хъуыд: цæстуынгæйæ æххæст кодта сæ рагон бæллиц - аланты кæрæдзийæн цæгъдын кæн, æмæ куы слæмæгъ уой, уæд дæхи паддзахады уæрæх арæнтæ фидар æмæ æдас уыдзысты. Уыцы нывмæ кастысты императортæ бæрзондæй æмæ уымæн цин кодтой.
Ирæттæ кæйдæр пайдайæн сæ сæр нывондæн куы хастой, сæхи национ-паддзахадон интересты ныхмæ архайгæйæ, ахæм дæнцæгтæ историйы бирæ ис, стыр хъыгагæн. Суанг ссæдзæм æнусы 20-æм азты зынгзæрдæ большевиктæй иу Серго Орджоникидзе ирон адæмы рахуыдта «хихорты наци». Уыцы ныхæстæ æз бакастæн, æвзонг æмæ æнæрцæф ма куы уыдтæн, уæд æмæ мæ маст рафыхт, уымæн æмæ сæ ме 'мтуг адæмы тыххæй загъта. Уæд афтæ хъуыды кодтон: ахæм æфхæрд нæй, сæ зæгъæгæн ныххатыр кæныны фаг чи суа. Нæ мæ рох кодтой Орджоникидзейы ныхæстæ, мæхинымæр хъуырдухæн кодтон, агуырдтон, сæ авторы чи багæды кæна, ахæм аргументтæ. Фæлæ никуы æмæ ницы. Æмткæй райсгæйæ, йæ ныхæстæн ис фидар бындур.
Уæлдæр амынд дæнцæгæй уæлдай ма сæ рæстдзинад æвдисæг сты, æфсымæр æфсымæры куы мардта, уыцы Мидхæсты æмæ 30-æм азты репресситы амæттæгты æвирхъау нымæцтæ. Уыцы тугæйдзаг заманты Цæгат Ирыстоны АССР Советон Цæдисы бацахста фыццаг бынат, мæлæты тæрхон кæмæн рахастой, уыцы адæмы нымæцмæ гæсгæ. Мæлæтхæссæг æгъатыр кæфхъуындары амæттаг баисты нæ адæмы хуыздæртæ - фысджытæ, поэттæ, аивады архайджытæ, наукæйы кусджытæ, ахуыргæнджытæ æмæ æндæртæ. Александр Солженицын уый фæдыл фыста: «А бывало и так: чекистам Осетии (рассказывает начальник милиции Заболовский) дана была разверстка расстрелять по республике 500 человек, они просили добавить, им разрешили еще 250». Диссаг у, фæлæ, мингай бинонты царæфтыд чи фæкодта, уыцы национ бæллæх нын зонды хос нæ фæци. Ирыстоны бирæнацион адæмы хъизæмайраг хъысмæты хай чи бакодта, уыцы репресситæ аразджытæй æмæ архайджытæй иу дæр æфхæрд не 'рцыд, куыд æмбæлы, афтæ. Уый æмæ æндæр бæллæхты фыдæй нæм нал ис абон, национ интересты сæрыл чи сдзура, ахæм лæгтæ.
Дзырд дæр ыл нæй, Серго Орджоникидзейы æнæхъола ныхæстæ ма ирæтты зæрдæтæ бирæ азты дæргъы рæхойдзысты. Фæлæ уыимæ, канд ивгъуыды нæ, фæлæ нæ абоны царды цаутæ дæр ирдæй æвдисынц, раст кæй сты, уый. Æдзæстуарзондзинад - ацы æнамонд миниуæг нын, рагон низау, фезмæлын нæ уадзы нæ национ буары, нæ йын дæтты сæрибарæй рæзыны фадат.
Уый æнæнхъæлæджы афтæ рауад æви уавæрæн бæлвырд æфсæнттæ ис? Ахæм хъайтарон истори æмæ традицион культурæ цы адæмæн ис, уый куыд бахауд уыцы худинаджы аиппы дзæмбытæм? Уыцы фарстытæн дзуапп ссарæн ис, истори удгоймæгты социалон архайды, сæ бæрзонд æмæ ныллæг нысанты фæстиуæг кæй у, æрмæст ууыл сразы уæвгæйæ. Æхсæнадæн ахсджиаг уынаффæтæ æнаккаг æмæ æнæфсарм адæймæгтæ куы хæссой, уæд æппæт дзыллæйæн дæр сæфтмæ æнæ цæугæ нæй.
Æвæццæгæн, уый тыххæй сты хъодыгонд Ирыстоны хуыздæр минæвæрттæ сæхи зæххыл. Нæ курдиатджындæрты, дзырддзæугæты кæнæ маргæ акæнынц, кæнæ сæ Ирыстонæй ацæуын бахъæуы, æмæ æндæр ран сæ хъару, сæ гæнæнтæ арфæгондæй равдисынц. Арæхдæр афтæ рауайы, æмæ уыцы адæймæгтæй Алани-Ирыстон æнæхай фæвæййы. Нацийы бон йæ хуыздæр минæвæртты, йæ ахсджиæгты бахъахъхъæнын куы нæ уа, сæ амынд фæндагыл куы нæ цæуа, уæд уыцы адæм искæй къухы хъазæн хъул свæййынц. Рагон куырыхон ныхас «разделяй и властвуй» тынг хорз æвдисы, абон не 'хсæнады цы хъуыддæгтæ цæуы, уыдон.
Кæд ирон адæм абон къордтæ-дихтæ ныйисты - ныхасыздæхт, дин, цæрæнбынатмæ æмæ æндæр æууæлтæм гæсгæ, уæд уымæн ис бæлвырд аххосаг нæ рагон низ «æдзæстуарзондзинад». Фæстаг фондз æмæ ссæдз азы цы хъæддаг капитализаци æрцыди æхсæнадон æмæ экономикон царды алы къабæзты, уый ма Ирыстоны адæмы ноджы иу дих дæр фæкодта - хъæздгуытæ æмæ мæгуыртыл. Нæ национ æвзаджы, культурæйы, экономикæйы, æхсæнады политикон арæзты критикон уавæры аххосæгтæ дæр ам агурын хъæуы. Ахæм уавæры æнхъæлмæ кæсæн нæй ирон паддзахаддзинады райрæзтмæ, нæ адæмы бæллиццаг фидæнмæ.
Сæрмагондæй зæгъын хъæуы уый, æмæ алы рæстæджыты Ирыстоны хуыздæр фырттæ уыцы фарста алыг кæныныл кæй архайдтой, сæ фæллæйтты йæ кæй æвзæрстой. Фæлæ-иу сæ сагъæс, сæ фæдисхъæр аныгъуылдысты адæмы æнæмæтдзинады фурды.
Серго Орджоникидзе ирон адæмæн ахæм хъыгаг характеристикæ цæмæн радта, цы æфсон ын уыдис, уый никуы базондзыстæм. Уыимæ, диссаг макæмæ фæкæсæд, фæлæ абоны цæстæй кæсгæйæ, Орджоникидзейæн бузныг зæгъын хъæуы йæ ныхæсты тыххæй. Иуырдыгæй нæ худинаджы бынаты сæвæрдта, иннæрдыгæй та нын нæ рагон низыхатт комкоммæ бацамыдта. Низ раиртасгæйæ, йæ ныхмæ тохгæнæн ис. Æдзæстуарзондзинад у ирон адæмы цыфыддæр бæллæх. Куыд тæссаг у, нæ национ буар нын мидæгæй куыд æвдæрзы, уый бамбаргæйæ низы ныхмæ æрлæудзыстæм, æмæ нын уый уыдзæн цæрыны фæрæз ацы æгъатыр дунейы. Къордтæ-дихтæгонд нæ, фæлæ вазыгджын национ-паддзахадон фарстаты алыварс куы æрбангом уæм, уæд фервæздзыстæм нæ низæй. Уымæ гæсгæ нын ныртæккæ тынг ахсджиаг у уыцы нысаныл паддзахадон æмвæзадыл бæстон æмæ æвæллайгæйæ кусын.
Цы стæм, уый стæм, Ирыстонан æндæр адæм ничи ратдзæн. Æмæ кæд нæхи адæм хонæм уæд архайын хъæуы. Ацы хъуыдытæ бафидар кæнынæн æрхæссæн ис поэт-пехуымпар Къостайы фæстаг фæдзæхст: «Ме 'фсымæртæ, кæрæдзи уарзгæйæ цæрут!...».

Цæразон Ас-Бæгъатыры номыл
Национ райрæзты институты директор,
профессор ДЗАНАЙТЫ ХАДЗЫМÆТ
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Информация

Посетители, находящиеся в группе Гости, не могут оставлять комментарии к данной публикации.
Солнечный

Солнечный

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая мед. помощь
  • 104 – Аварийная служба газа
  • 8098595 – Водоканал
  • 806 5030 – Защита прав потребителей
  • 805 47 71 – Вывоз строительного и бытового мусора

Погода

ЮОГУ

Потолки

Цитаты

Если у тебя получилось обмануть человека, это не значит, что он дурак, это значит, что тебе доверяли больше, чем ты этого заслуживаешь.
***
Когда мне было 5 лет, мама всегда твердила мне, что самое важное в жизни — быть счастливым. Когда я пошел в школу, меня спросили, кем я хочу стать, когда вырасту. Я написал «счастливым». Мне сказали – «ты не понял задание», а я ответил — «вы не поняли жизнь».
***
Настоящий друг — это человек, который выскажет тебе в глаза все, что о тебе думает, а всем скажет, что ты — замечательный человек. © Омар Хайям,
***
Не всегда просит прощения тот, кто виноват. Просит прощения тот, кто дорожит отношениями.
***
Производство сайтов

Новости

«    Июнь 2020    »
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30  


Габулик

Энергоресур

Объявления

Радио ОНЛАЙН!

Радио ОНЛАЙН!

Осетия

Смотреть онлайн бесплатно

Онлайн видео бесплатно