Дон æрхæццæ горæтмæ
Сегодня, 15:00 Новости [версия для печати] [читать комментарии] [размер шрифта: a- | А+] [148 просмотров]
Уанат-Цхинвалы донуадзæнæй суткæйы дæргъы горæтмæ цæудзæнис 15 мин кубометры дон. Ныртæккæ нæ горæтмæ Брытъат æмæ Дзомагъы резервуартæй цы дон цæуы, уымæн та йæ дебет у 8-9 мин кубометры суткæйы мидæг. Присы хъæумæ хæстæг арæзт æрцыд дыууæ егъау донæмбырдгæнæн бассейны. Уыдон монтаж мæйы размæ фесты, ныр та донæмбырдгæнæнтæн сæ алфæмблай хæрзарæзт цæуы, рæзы дзы административон бæстыхай дæр кусджытæн.Куыстытæ кæны генподрядон организаци ООО «СТМ-ЮГ». Йæ минæвар Гуырцъыты Эльбрус куыд зæгъы, афтæмæй кæд нырма бирæ куыст ис, уæддæр сæйраг куыстытæ ныридæгæн фæуд сты: «Проекты аргъ у 400 милуан сомы. Донуадзæнæн йæ дæргъ у 16 км. бæрц. Ныртæккæ куыст цæуы хицæн æмæ хицæн бынæтты. Проекты арæзтад йæхæдæг вазыгджын у, бирæ рæтты къахын бахъæуы сосæ фæндаг. Траншейтæ къахт кæм æрцыдысты, уым хæтæлтæ ныппæрстам æмæ ныр уыдон ныгæд цæуынц. Ацы хъуыддаджы нын хорз æххуыс кæны ГУП «Водоканал». Куыстытæ хъуамæ конд фæуой азы кæронмæ, фæлæ мæнмæ афтæ кæсы, æмæ раздæр фæуыдзысты. Фылдæр нæм кусы бы-нæттон кусджытæ, техникæйæ дæр æххæст стæм. Горæты мидæг куыстытæм æрæвналдзыстæм ацы бонты. Æмæ уæд горæты дон цы уынгтæм нæ хæццæ кодта уыцы цæрджытæ сулæфдзысты», — зæгъы Гуырцъыты Эльбрус.
Уый ма загъта, зæгъгæ, горæты цæрджытæ хъуамæ зоной, дон экономигæнгæ куыннæ хардз цæуа, уæд ацы дон дæр кæй нæ фаг кæндзæнис.
Гуырцъыты Эльбрус ма загъта уалдзæджы æрбалæудимæ-иу горæтмæ Едысæй цы дон цыд, уымæн-иу йæ дебет кæй æрхауд, уый тыххæй-иу æм баиугонд æрцыдысты Брытъаты æмæ Дзомагъдоны суадæттæ. Уырдыгæй къæвдаты рæстæджы цы змæст дон цыд, уый йемæ ласта алыгъуызон брон. Ныр, дам, Цхинвал-Уанаты магистралон хæтæл арæзт куы æрцæуа, уæд цæрджытæ ахæм проблемæйыл нал æмбæлдзысты.
Донуадзæн арæзт æрцыд æппæт æнæмæнгхъæуæг фæрсудзæнтæ æмæ сыгъдæггæнтимæ. Донæн йæ райдиан кæм ис, уым æмбæлон куыстытæ ивгъуыд аз бакодтой тыхон структурæты кусджытæ. Ссардтой Советон рæстæджы ацы арæзтады цъайтæ, кæцытæ фесты сыджыты бын, цъыфдзаст бынæттæ сур æрцыдысты, цæмæй проектгæнджытæ федтаиккой, цыран хъæуы дренажтæ æмæ ног цъайтæ саразын. Красноярскæй та хуынд æрцыдысты фæлтæрд геодезион специалисттæ. Уыдон нывæзт сарæзтой донуадзæн системæйæн. Уый фæстæ ООО «СТМ-ЮГ»-æн хæс æрцыд, цæмæй сæххæст кæной проект.
Нæ уацх.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Комментарии (0)
-
-
0 / 10
-
Информация
Посетители, находящиеся в группе Гости, не могут оставлять комментарии к данной публикации.
Нашли ошибку?