Мæ ирвæзынгæнæг дохтыр

19 ноября 2017 Новости [версия для печати] [читать комментарии] [размер шрифта: a- | А+] [2530 просмотров]

Лагæй исты тынг срысти, уад зæххы цъарыл йæхицæй æнамондæр æмæ мæгуырдæр никæй фенхъæлы. Дуг размæ цæуы æмæ йемæ ногæй-ногд- æр канынц медицинон технологитæ. Фæлæ низты нымæц цыма нæ къадд- æр кæны, афтæ зыны. Æвæццæгæн, раздæрау, ныр дæр иттæг ахсджиаг у хорз, дæсны дохтыр ссарын, дæ низы хатт чи сбæлвырд кæна æмæ дын æм- бæлон æгъдауыл чи схос кæна. Кæн- нод де 'нæмаст, æнæрисгæ цардæн хæрзбон зæгъ! Хæрзаг газеткæсæг зæгъы: «мæнæ цы зæн- джын разындтæ, дæу йеддæмæ ничи зоны æмæ ничи æмбары хорз дохтыры нысаниуæг!» О, уый раст у, фæлæ ацы фарсты фæдыл мæнмæ дзуринæгтæ ис, æмæ сын æнæзæгъгæ нæй. Уадз, нæ дзыллæ зоной: ис нæм иттæг дæсны дохтыртæ!
Цæвиттон, поэт рæстмæ æмдзæвгæтæ фыссын куы нæ зона, уæддæр адæмæн зиан нæ хæссы. Уый хыгъд дохтыр йæ хъуыддаг нæ зоны, дæ балгъитæг дæр афтæ!!! Амæй размæ тынг æрба-рынчын мæнæуый: бæрзæй, уæхсджытæ, цæнгтæ, къухы хилтæ, къæхты тъæпæнтæ риссын ра-йдыдтой цадæггай, фæстагмæ рис афтæ сытынг æмæ йын бауромæн æппын нал уыд. Нал æх-сæв фынæй уагъта, нал къух дзыхмæ схæссын. Загътон, фесæфтæн, лæг цæнкуыл кæндзæнис. Гъе афтæ райдыдта мæ эпопея, рынчындонмæ цæуыны эпопея. Кæмæйдæр æрыхъуыстон, зæ-гъæ, æрыгон арæхстджын невролог кусын райдыта нæ рынчындоны æмæ æз дæр мæ сæр ууыл бафтыдтон. Ныхас дардыл у, фæлæ йæм фæхос кодтон иу-цыппар мæйы бæрц: дуне хостæ фæ- ныуæзтон, судзинтæ мын кодта мæ уæхсджытыл. Цыдтæн æм зынтæй, тухигæнгæ, лæдзæджы 'нцой, къул-къул, кæнæ мæ чызджы цонгыл хæцгæйæ. Мæхуызæн рынчынтæ йæм тынг бирæ цыд, сæ фылдæр ацæргæ адæм, рады лæууынæй-иу хатт боны 'рдæг аивгъуыдта… Йæ бон ни- цы ссис саулагъз чызг-неврологæн, мæ диагноз нæ базыдтон, зæгъгæ, дæ æрхæджытæ (сустав- тæ) риссынц, нæ зонын, дæхи æндæр искæмæн фенын кæн. Мæхи баппæрстон горæты полик-линикæмæ, уым мæ федта невролог Харебиан, рафыста уыц дæр йæхирдыгон хостæ… Никуы æмæ ницы, фыдрыстытæ не 'нцадысты. Дæхи, дам, ревматологæн фенын кæн, уæртæ хæстæг къабинеты бады. Балæууыдтæн та уый къæсæрыл дæр. Æрыгон, мæллæджытæ арæзт чызг мæ 'рысгæрстытæ кодта, зæгъгæ, мæ зæрдæ ревматизммæ æхсайы, фæцу, дам, фæстæмæ рынчын- донмæ æмæ анализ скæн, уым разындзæнис. Ницы разындис анализы. Бадис кодта йæхæдæг дæр, дохтыр, мæгуыр, æмæ мын рафыста рыстуромæнтæ. Фæлæ марадз зæгъ. Ницыуал зыдтон мæ сæрæн, риссын, мæлын, фæлæ æххуыс никуыцæй уарын… Фыртыхстæй мæхи баппæрстон хирургмæ (Хуыбатæй лæг, хорз дохтыр, Курганæй, дам, æрцыд), уый афтæ бакодта, зæгъгæ, мæнмæ нæ хауыс, æндæр искæмæн дæхи фенын кæн æмæ фæччыгъæдæн рыстуромæнтæ (рас-тдæр зæгъгæйæ – луайы хостæ) рафыста. Уый фæстæ бахаудтæн травматологмæ. Нæ мын аир- вæзтис Московскийы медицинон клиникæ дæр. Консультацийæн хъуыд æхца бафидын (иу мин сомы), фæлæ мæ уый кæм баурæдтаид, тыхст лæг, дам, йæхи сындзджын арты дæр баппа- ры. Бирæ æппæлæн ныхæстæ фехъуыстон ацы клиникæйы неврологæй. Йæ ахаст мæ зæрдæмæ фæцыдис, æркæстытæ мæм кодта, басгæрста мæ, ныфс бавæрдта схос мын кæндзæнис, зæгъгæ. Рафыста егъау «назначение» - æнæхъæн хъæццулы цъарыййас! Уым уыдис алыхуызон диссæ- гтæ: судзинтæ, капельниццæтæ, рухсытæ, рыстуромæнтæ (иутæн сæ ссарын мæ къухы уайт- агъд нæ бафтыд) Сæрмагондæй схуыссыдтæн рынчындоны, райдыдтон та «хос кæнын», мæг- уыр мæ бон... Хуыздæр æнхъæл бонвыддæр кодтон, уæнгты æппындæр тых нал баззад, æхсæв-иу мæ рыстытæ ноджы фæтынгдæр сты, рабад æмæ та хъæрзгæ агур медицинон хойы, рыстур- омæн судзин дын сараза (иттæг хорз мæм кастысты иууылдæр, сæ бинонты хурæй æфсæст уæ- нт) Цыбырдзырдæй, дæс бон фæсадтæн рынчындоны. Тыхамæлттæй, куыддæрты мæ хæдзар- мæ бафтыдтæн цудтытæгæнгæ æмæ кæуынтыл фæдæн. Æвæццæгæн, Хуыцау бафæллад мæ хъизæмæрттæм кæсынæй æмæ мын Тъехоны дзыхæй бацамыдта мæ ирвæзынгæнæг дохтыр Санахъоты Тамарæйы. Куыд бахаудтæн УЗИ-йы къабинетмæ, уый нал хъуыды кæнын, мæнмæ гæсгæ дохтыртæй мын кæцыдæр бацамыдта, зæгъгæ, хуылфыдзаумæттæн узи скæн. УЗИ-йы дохтыр, уæздан адæймаг, йæ хъуыддаджы дæсны, Тъехон мæ диссæгтæм лæмбынæг байхъуы-ста æмæ афтæ бакодта, зæгъгæ, ам нæхимæ 4-æм уæладзыджы ревматолог куы бады, Санахъо- ты чызг, уымæ ма схиз. Раст зæгъгæйæ, мæн æппындæр ныфс никæмæй уал уыд, зæгъын мæ сæр Цæгат Ирыстонмæ айсон, уым фенон. А, цы уа, уый уæд, бафæлварон ма фæстаг хатт! Ба-лæууыдтæн Санахъуены къабинеты къæсæрыл. Хæрзконд æвзонг сылгоймаг урс халаты бадти йе стъолы фарсмæ. Ныфссастæй радзырдтон мæ низы историтæ, мæ фыдæбæттæ. Лæмбынæг мæм фехъуыста, æмæ бауайдзæф кодта, зæгъгæ, ды мæ рынчын дæ æмæ неврологтæм хъуамæ ма цыдаис. О, раст загътай, фæлæ цы æнхъæл уыдтæн ам дæхуызæн хорз дохтыр-ревматолог бадти! (уый мын фæсхуымелойы ныхæстæ сты) Ныр та байхъусут, газеткæсджытæ, Санахъуе-ны архайдмæ: ацу ныртæккæ, зæгъы, æмæ дæ къухтæн (армы тъæпæнтæн) рентген-къам скæн, схæсс æй мæнмæ, мæ зæрдæ 'хсайы ревматоидный артритмæ (!) Ацы чызг, иннæты уæлдай, æндæр цыдæртæ куы амоны, ахъуыды кодтон мæхинымæр, æмæ ныххызтæн бынмæ, скодтон рентген-къам мæ къухтæн. Къамы бын суыдтон рентгенолог-чызджы фыст диагноз: ревматои- дный артрит! Къамы иттæг ирдæй разындысты ме 'нгуылдзты зылын-мылын стджытæ! Сана-хъоты чызгмæ уæлдай митæ нæй, цы дзуры, уый фидар æмæ æнæ дæлæ-уæлæйæ, йæ коммæ нæ бакастæ, уæд дын уайдзæф дæр бакæндзæнис. Рафыста мын иттæг æнцон аразæн «назначе- ние»: æрмæст иу-æртæ хуыз таблеткæтæ, зæгъгæ, адон фен, æмæ мæм дыууæ къуырийы фæ- стæ фæбæрæг кæн, куыд дæ, уый. Нæ уæ бауырндзæнис, фæлæ къуырийы фæстæ мæ рыстытæ банымæг сты, мæ бон ссис мæ дзыхмæ мæ къух сисын. Мæ цинæн кæрон нал уыд! Дыууæ къуыри рацыд, стæй дыууæ мæйы, стæй дæс мæйы… Уыцы рæстæджы мæ дохтыр (æз æй ныр мæ дохтыр хонын) рæстæгæй-рæстæгмæ иу хос иннæмæй баивы, йæ хъус мæм лæмбынæг да- ры, дыууæ мæй иу хатт саразын кæны анализтæ, туджы 'вдисæнтæ бабæрæг кæны æмæ ныр æнæрисгæ цæрын! Йæ рафысгæ хостæ зынаргъ не сты, æнцонæй сын ис ссарæн нæхи афтиæг- ты. Афтæ у гъе, дырыс (точный) диагноз сæвæрыны нысаниуæг! Уæд хостæ дæр нысаныл сæ- мбæлынц æмæ лæг йæ хъизæмæрттæй, йæ рыстытæй фервæзы æмæ та йæхи алкæмæй мæгуыр-дæр нал æнхъæлы! Ногæй та царды ад банкъары! Бафарстон мæ хорз дохтыры, зæгъгæ, анали- зы цæмæннæ разындис мæ низы хатт, æви йæ дæ коллегæ (поликлиникæйы дохтыр) нæ фед- та!? Тамарæ бахудтис æмæ мын бамбарын кодта, дæ низ, дам, дыууæ хуызы вæййы, сæ иу ана- лизы нæ бæрæг кæны, хъуамæ 'нæмæнг саразай рентген-къам, уым сбæлвырд вæййы. Ныр та уын мæхи бацамонон, æз дæн пенсиисæг, кусгæ нал кæнын, мæ ном хуыйны Багаты Валя. Мæ донæй дæр кувын мæ дохтыр Санахъоты Тамарæйæн æмæ йын зæгъын стыр, æнæкæрон буз- ныг! Бирæ йын бантысæд йæ фæрнæйдзаг куысты æмæ кæдæриддæр рухс кæнæд йе 'ввахс хи-уæтты æмæ йæ рынчынты зæрдæтæ!!!
Æрмæг ныффыста Пæрæстаты Эльдæ

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии (1)