71 аз   рацыд Фыдыбаестаейы Стыр хаест куы райдыдта, уаедаей.

 Даргъ, уаеззау  аемае тугкалаен уыдысты Советон адаемаен уыцы 1418 боны, фаелае бабыхстой, бафаераезтой аеппает зындзинаедтаен аемае стыр аргъаей  фаеуаелахиз стаем цыфыддаер знагыл. Фронтмае чысыл Ирыстон афаендараст кодта 94 мин хаестоны, уыдонаей фаестаемае нал аерыздаехт 58 мины. Уыдон хаецыдысты хаесты аевирхъау уадтымыгъы, сае уаехскчытыл рахастой йае уаез аемае аерхастой Уаелахиз.

     Уыцы бон 1941 азы 22 июны фаессихор сау хабар аерыхъуыст Ирыстонмае даер- райдыдта Фыдыбаестаейы Стыр хаест. Адаем цавддурау фесты. Бамбаерстой, абонаей сае цард иннаердаем каей  ныззылдис, иу  уысммае сае фаендтае каей атадысты. Адаем бамбаерстой, сау халон каей бауасыд сае уаезгуытаем аемае бираетае цараефтыд каей фаеуыдзысты.  Гъе, фаелае карды бын уаеууытаей наеу, аемае ирон сахъ фаесиваед даер араст сты тохы быдырмае. Даргъ, уаеззау аемае фыдаебойнаг  уыдис Советон хаестонты фаендаг фаестаемае куы алаеууыдысты. Стаей та- размае  Кавказы урссаер хохраебынтаей  Берлинмае куы бырстой, уаед.  Поэт цаейау загъта, заеххыл цы стырдаер хаест аерцыд, гъе, уым ирон туг даер ныккалд. Тохы быдыраей  дардыл айхъуыст ирон хаестоны ном.Уыдон хъаебатыраей тох кодтой аеппает фронтты даер. Брест аемае Смоленскы, Маескуыйы бынмае аемае Ленинграды блокадайы, Кавказы хохраебынтае аемае Кубаны, Керчь аемае Новоросийскы, Украина аемае  Белорусы. Знаджы сырдтой йае лаегаетмае Будапешт аемае Прагайае , хаецыдысты Польшае, Югослави, Франц, Итали аемае аендаер баестаеты партизанты къордты.

         Зынгае советон фыссаег Петр Павленко уыцы раестаеджы афтае фыста: «Дзырд «ирон»- кадджынаей фаелхатт цаеуы Фыдыбаестаейон хаесты аеппает фронтты даер, уымаен аемае ираеттае саехи равдыстой хъаебатыр аемае намысджын хаестонтаей». Хаесты фаеудмае ирон адаемаей Советон Цаедисы Хъайтары ном лаеваерд аерцыд 34 адаеймагаен, 27 та наем уыдис инаелаерттае. Тохы быдыры сае хъаебатырдзинадаей номхаессаен фесты Советон Цаедисы дыууае хатты хъайтар, Монголты  Адаемон Республикаейы Хъайтар,  армийы инаелар Плиты Иссае, Советон Цаедисы хъайтартае, инаелар-булкъонтае легендарон «Ксанти»- Мамсыраты Хаджи-Умар аемае Хетаегкаты Георги,  инаелар-лейтенант Коцойты Айтег, инаелар-майортае Карсанты Хъазбег, Сланты Лентъо, Харебаты Алекси, Хъараты Георги, Мамсыраты Къоста аемае аендаертае.

         Сае лаегдзинад дардыл айхъуыст  Советон Цаедисы Хъайтартае Кобылты Серги, Козаты Алыксандр, Хъесаты Астан, Остъаты Алекси, Гаккайты Алихан, АЕхсараты Энвер, Сабанты Григол  аемае аендаертаен. Нае адаемаей  рохы наеу Козаты Шалико, Дзотты Лаврентъи, хъаебатыр  чызг Баситы Чабаехан аемае аендаерты сгуыхтдзинад. 1942 азы иу тохы раестаеджы ирон хъаебатыр Милдзыхты Хадзымырзае  йаехаедаег скуынаег кодта знаджы 108 хаестоны. Денджызы фыдгул знаегты аегъатыраей куынаег кодтой Хъоцыты Къоста аемае Хъесаты Астан. Знаджы ныхмае уаелдаефон тохты расгуыхтысты Советон Цаедисы Хъайтартае Дзусты Ибрагим, Харебаты Алекси аемае Цоциты Уасил. АЕрмаест Дзусы фыртаен йае аефсаеддон хайы уыдис Советон Цаедисы  48 Хъайтары аемае се ппает даер уыдысты йае хъомылгаенинаегтае. Тохы быдыры номхаессаен фесты булкъонтае Гасситы Виктор, Есиаты Хъасболат, Санахъоты Гри, Гаглойты Никъала, Гасситы Федр, майортае Бежанты Димитр, Джиоты Тъарас аемае бирае аендаертае.

       АЕгас  баестаейыл айхъуыст Гаездаенты Асаехмает аемае Тъасойы авд фырты аевирхъау хабар. Нал аерыздаехтысты хъазуат хаестаей Кобеккаты 7 аефсымаеры, Хестанты 6 аефсымаеры, Темыраты 6 аефсымаеры, Тедеты 5 аефсымаеры. Гуыриаты 5 аефсымаеры, Хъесаты фондз аефсымаеры, Дзебысаты фондз аефсымаеры, Басаты 5 аефсымаеры, Хъаелаегаты фондз аефсымаеры, Хуыбецты фондз аефсымаеры, Гасситы цыппар аефсымаеры, Плиты цыппар аефсымаеры, Таболты цыппар аефсымаеры, Дзугаты цыппар аефсымаеры, Гаебаераты цыппар аефсымаеры… 60 ирон бинонтае хаесты фесаефтой фаейнае 4 фырты.

         АЕнаезаегъгае наей нае сылгоймаегты тыххаей даер. Уыдон  наелгоймаегтимае иумае сае уаехсчытыл хастой хаесты зындзинаедтае. Сае наемттае мысинаг сты АЕлборты Тамара, Уаниты-Лохты Вера, Алтухова Александра, Гергаулова Евгения, Хъаецмаезты Люба, Козаты Аминает, Хъотайты Анастасия, Кудякова Евгения, Лазаренко-Хаситы Тамара, Лященко Вера, Мебурнутова Екатерина, Миндиашвили Надежда, Славинская Вера, Тедеты Надежда, Цъаехилты Анна, Мария аемае бирае аендаертаен.

         Къаддаер нае уыд сае баваерд Уаелахизы хъуыддагмае  фаесчъылдымы фаеллойгаенджытаен даер.  Бираебаерцаей уыдон удуаелдай аемае хъаеппаерисон куысты фаерцы  бафтыд  нае хаестонты къухы стыр Уаелахиз аемае нае уый хъуамае рохы ма уа.  Советон Цаедисы иннае адаемтау Ирыстоны фаеллойгаенджытае даер хаесты фыццаг бонаей фаестаемае саехицаен адджын ницы уал скодтой. «АЕппает даер фронтаен, аеппает даер уаелахизаен»,-ахаем хъуыдимае фаеллой кодта алчи даер. Сылгоймаегтае бон быдырты аемае ферматы куыстой,  аехсаевыгаетты та фронтаен хъарм дзаумаеттае быдтой. Сае аедых,  куыстваеллад аемае фаелмаен къухтаей уарзт аемае хъармдзинады аенкъараентае хастой нае хаестонты заердаетаем. Мисхал-мисхалыл аеваергаейае аеввахсдаер кодтой Стыр Уаелахизы бон.

    Хъыгагаен аез каей кой ракодтон уыдонаей абон иунаег даер цардаегас нал у, аемае ныл уый аеваеры дываер баерндзинад. Мах сын сае рухс  ном аемае хорз хъуыддаегтае  нае заердыл хъуамае дараем. Бузныг уаем уыдон мах аемае нае фаестае цы фаелтаертае аерцаеудзаен, уыдонаен цы хорз сараезтой, уый тыххаей.

 

                                                                      ЛОХТЫ ДЖАМБУЛАТ